चितवनका आकाश अर्यालले निशुल्क अटो सेवा दिँदै आएका छन्। एकदिन उनले हराएको झोला लिएर असहाय विदेशी पर्यटकलाई सहयोग गरे र इमानदारीको उदाहरण प्रस्तुत गरे। उनको यस कामले नेपालीहरूको सहयोगी स्वभाव र मानवीयता झल्काउँछ।
काठमाडौँबाट चितवन घुम्न आएकी एक विदेशी पर्यटकको झोला गाडीमा छुटेपछि बिहान नारायणघाटमा निशुल्क अटो सेवा दिइरहेका आकाश अर्यालले उनलाई असहज अवस्थामा देखे। अवस्था बुझ्दा झोला छुटेको थाहा पाएपछि उनले तुरुन्तै सहयोगको हात बढाए। आकाशले ती पर्यटकलाई प्रहरी चौकीसम्म पुर्याए र गाडी खोज्न सक्रिय भए। केही समयको खोजीपछि झोला फेला पर्यो र गाडी चालकले ईमानदारीपूर्वक झोला फिर्ता गरे।
झोला फिर्ता पाउँदा ती विदेशी पर्यटक अत्यन्तै खुशी भइन् र नेपालीहरूको इमानदारी, सहयोगी भावना र सद्भावप्रति मनदेखि प्रशंसा गरिन्।
आकाश अर्याल हरेक बिहान १० बजेसम्म क्यान्सर अस्पताल जाने बिरामी र अभिभावकहरूलाई निशुल्क अटो सेवा दिँदै आएका छन् — समाजका लागि साँचो प्रेरणादायी उदाहरण बनेर। ❤️🙏🏾
Photo Source: routineofnepalBanda
Comments
Post a Comment